مــنـتـديـات رقـــــى الأخــــــــلاق

عزيزى الزائر الكريم ..
أنت غير مشترك فى منتدانا الحبيب .. يسعدنا و يشرفنا إنضمامك إلى أسرتنا الجميله ..

إذا أردت التسجيل معنا فى المنتدى أضغط على ( تسجيل ) ....

أمنحنا الفرصه لكى نسعدك ...
مــنـتـديـات رقـــــى الأخــــــــلاق

عــــــالم من العـــلـم

***  أهـــلا" بك يا  زائر ...  مرحبا" بعودتك إلى المنتدى  ***


    الطموح المدمر

    شاطر
    avatar
    D.G.K
    عـــــضــو مـــجـلـس الإداره
    عـــــضــو مـــجـلـس الإداره

    شـعــــــــار :

    لقب من إدارة المنتدى : كاتبة المنتدى
    انثى
    الـبـلــد : مصر الحبيبه
    عدد المساهمات : 128
    نـقـــاط : 3925
    تاريخ التسجيل : 17/07/2009
    الموقع : www.tegara4all.com
    العمــل : صحفية بجريدة الشروق
    المزاج : الحمد لله رب العالمين
    تعاليق : You Have to make The history...Or You will be a history

    عاجل الطموح المدمر

    مُساهمة من طرف D.G.K في الخميس 05 نوفمبر 2009, 11:33 pm

    القصة دي انا قرأتها وعجبني اوي العبرة منها
    من رأيي ان " إنسان بلا طموح....إنسان بلا هدف" لكن في حاله طغيان الطموح الشخصي علي من حولنا وتأثيره عليهم بالسلب...فهل يعتبر هذا الطموح طموح مدمر...أم إنه يظل طموح يراد تحقيقه بغض النظر عن عواقبه

    ؟؟؟؟؟؟؟؟؟؟؟؟؟؟؟

    إليكم القصه بس يا ريت اكتبوا تعليقاتكم بعد قرأتها

    ابطئت خطواتها التى كانت تسابق الريح ووقفت لتلتقط نفسا عابرا ولكنها تذكرت ما الذى جاء بها الى هنا ..... فأسرعت من جديد


    - الو ... ايوة يا سناء انا محمود

    - اهلا يا محمود ... في ايه...بس بسرعة عشان عندى شغل

    - لا سيبى الشغل دلوقتى عاوز اقابلك

    - ليه ؟؟ ... حصل حاجة للاولاد ؟

    - لا متقلقيش بس يلا هستناكى عند الشركه ... بسرررعة


    واغلق السماعة تاركا اياها امام الامر الواقع ... لم تعتاد عليه متلهفا لهذه الدرجة ماذا حدث ؟؟ااصاب ولديها مكروه ؟ يا الهي علي الرجال عندما يحكمون رأيهم

    وعندما اقتربت منه التهمته بعينيها لتفهم منه الخبر وسبب استدعائها


    - أزيك يا سناء اتأخرتي ليه ...

    - ده انا كنت بجرى

    - خير ايه اللى حصل ؟

    - مفيش ... كنت عاوز اشوفك بس

    - معقولة الكلام ده يا محمود .. انت عارف الساعة كام دلوقتى ؟ وفى عز الشغل كمان

    - خلاص يا ستى انا غلطان كان مفروض ابلغك اني محتاج اتكلم معاكي ...

    - ايوة غلطان وستين غلطان ..... ده انا بحسب ان فيه حاجة حصلت للاولاد

    اطلقت تأفف عميق تحرك له فكه الصارم وضغط على يديه بهدوء بارد مبالغ فيه

    - اصالحك ازاى ؟؟

    - تصالحنى ده ايه .... انا فاضية للكلام الفارغ ده .. قلتلك مليون مرة قول اللى انت عاوز تقوله فى التليفون وبعدين هما كلهم 4 ساعات واكون فى البيت

    - بس انا عايز اتكلم معاكى دلوقتى عايزك فى موضوع مهم

    - ده اللى انت شاطر فيه .. كل مواضيعك مهمة وكأن مفيش حد غيرك مهم فى الدنيا وبعدين انا ورايا شغل

    - شغلك اهم منى

    - شغلى اهم منى انا شخصيا ....سلملى على الاولاد وكلها كام ساعة وارجع البيت

    - ده اذا افتكروا ان ليهم ام ...

    نظرت اليه باستنكار عالى وهى تعلم اذا ردت ما سيأتى بعد هذه الجملة فآثرت السكوت حتى توفر الجدال لحين اخر حتى لا تتاخر على عملهاومضت فى صمت ثقيل له رائحة الجفاء البالى

    نظر اليها وهى تهرول وكأنها ذاهبة للقاء حبيب لم تره من سنوات طوال ... واشمئز منها وكاد ان يقولها ولكنه تذكر اولاده فى البيت فاستدار ليرجع اليهم ...

    ودخل المنزل وكأنه قبر ساكنيه احياء لا روح فيه ولا دفء تذكر تلك النفس الابية الطموحة التى اعجب بشجاعتها وقوة ارادتها ...وعلم انها ستكون الام المثالية لاولاده فى المستقبل ولكنه نسى ان الطموح قد يحطم كل ما يقف فى طريقه احيانا ...

    القى نظرة على ولديه النائمين وهما يحلمان بأم تمسح على شعرهما وتغنى فى اذنهما .. وكادت ان تنحدر دمعة منه ولكن نفسه العنيدة صدتها بقوة وحزم ..

    نظر من حوله ..... بيت لا يحلم بمثله الا الامراء ووظيفة تحفظ مكانته فى مجتمع لا يعرف غير البسمات الزائفة والاكتاف العارية

    ولم يشعر الا وابنه الاصغر بجانبه وفى عينيه نظرة لا يعرف معناها ... او يتجاهل ان يعرف معناها .. فقلبه ملىء بهذا المعنى

    - بابا ... هى ماما فين ؟

    - فى الشغل يا حبيبى

    ]- بس مامه كريم صاحبي بتشتغل يا بابا وبتقعد معاه وتحكيله حكايات قبل النوم وتجيله مدرسته وتأكله بأيديها[- مش كل الامهات زي ماما يا حبيبي

    سكت الابن وكأن هذه هى الاجابة القاطعة التى يعلم مسبقا ان كل توسلاته ليرى امه ستبوء بالفشل بسببها[وعلم الاب ما يدور فى بال ابنه الذى لم يتعدى الاربع سنوات فأخذه على رجله ليداعبه قليلا عله ينسى همومه وينسيه همه واى هم لمثل هذا الطفل ذو الاربع سنوات

    - نفسك تكون ايه لما تكبر يا حبيبى ؟؟

    - نفسى اكون قاضى ...

    استغرب الاب من رغبة الابن الغريبة والتى نطقها بلهفة وحزن داكنين

    - اشمعنى قاضى ؟؟

    - عشان اعاقب اى ست تسيب ابنها لوحده طول اليوم عشان الشغل والمناصب ...

    - هتعاقبها ازاى يا حبيبى ؟

    فكر الصبى قليلا وكأنه يختار اقساها عقوبة لمثل هذه المرأة ونظر فى عين ابيه مطولا

    - هخلى ابنها مش يقولها يا ماما ...

    صعق الاب لمثل هذا الرد البرىء القوى العادل ... وحضن ابنه بشدة وبكى حتى تكاد تسمع انفاسه اللاهثة

    - مالك يا بابا ...

    - ايه رايك يا حبيبى لو جبتلك واحدة تعمل كل حاجة انتى عاوزها ولعبت معاك وتنام معاك وتحكيلك حدوتة كل يوم هتقولها يا ماما ؟؟

    - بس انا عايز ماما اللى تعمل كده

    - ولو جبتلك واحدة غير ماما ؟

    سكت الطفل وكأنه امام اعصار جارف لا يدرى ما يفعل وسأل باستسلام

    وهتنام جنبى بليل و هتحكيلى حدوتة " المرأة " ؟؟

    هز الاب رأسه بالايجاب فرد الطفل مبتسما وكأن حلم له سيتحقق

    - موافق

    وما كاد ان يسمع الاب الكلمة حتى رفع سماعة التليفون وضرب رقما مألوفا

    - الو

    - سناء

    - ايه تانى يا محمود ؟

    - انتى طالق

    واغلق السماعة

    ********************************

    ايه رأيكم في القصه ؟؟؟ ايه العبره منها؟؟؟؟

    انا عارفه ان مش كل الامهات اللي بتشتغل مهمله في بيوتها ومقصرين في حق اولادهم وازواجهم

    لكن القصه دي مثال فيه منه نماذج واقعيه

    الموضوع ده بعد ما نزلته علي موقع اخر في زميل قال كلمه في التعليق عجبتني جدا

    طموحك يتوقف عند حدود مسئوليتك"


    منتظره ردودكم
    avatar
    أبومعاذ
    عـضــو ممــــيـز
    عـضــو ممــــيـز

    ذكر
    عدد المساهمات : 319
    نـقـــاط : 4403
    تاريخ التسجيل : 27/09/2009
    الموقع : منتديات رقي الأخلاق
    العمــل : طالب

    عاجل رد: الطموح المدمر

    مُساهمة من طرف أبومعاذ في الجمعة 06 نوفمبر 2009, 5:47 am

    هذه قصة محزنة ومؤثرة
    لا أعرف كيف أعلق عليها سوى القول أنه ليس هناك امرأة تعمل هي بتلعب هي تعمل عشان تأكل أولادها لأنه يبدو في القصة أن الرجل لا يعمل

    وشكرا على القصة
    تحياتي
    avatar
    مستر محمد على
    عـــــضــو مـــجـلـس الإداره
    عـــــضــو مـــجـلـس الإداره

    شـعــــــــار :

    لقب من إدارة المنتدى : إدارى ممــيز
    ذكر
    عدد المساهمات : 593
    نـقـــاط : 6074
    تاريخ التسجيل : 17/07/2009
    العمــل : معلم لغة عربية
    المزاج : حمدا لله على كل شىء
    تعاليق : لو بطلنا نحلم نموت

    عاجل رد: الطموح المدمر

    مُساهمة من طرف مستر محمد على في الإثنين 09 نوفمبر 2009, 7:58 pm

    هناك حكمة تقول :
    ابنى ابنك قبل أن تبنى له
    فالهدف الأسمى لأى أم هو رعاية الأبناء
    وبعد ذلك يأتى أى شىء آخر


    ############################################



    ربنا وآتنا ما وعدتنا على رسلك ولا تخزنا يوم القيامة إنك لا تخلف الميعاد




    avatar
    فراشة الإحساس
    مـشــرف منتدى الأدب و الـفــنـون
    مـشــرف منتدى الأدب و الـفــنـون

    شـعــــــــار :

    لقب من إدارة المنتدى : من قدامى المشرفين المميزين
    انثى
    الـبـلــد : مصر
    عدد المساهمات : 342
    نـقـــاط : 4706
    تاريخ التسجيل : 01/08/2009
    العمــل : معلمة لغة عربية
    المزاج : عال العال
    تعاليق : ليس كل ما يتمناه المرء يدركه

    عاجل رد: الطموح المدمر

    مُساهمة من طرف فراشة الإحساس في الخميس 12 نوفمبر 2009, 7:22 pm

    الطموح شئ جميل ومطلوب ولكن بشرط انه ما يجيش على واجبات الانسان

    بجد قصه جميله ومفيده


    ############################################
    تحياتي وحبي ..
    فراشة الإحساس
    avatar
    D.G.K
    عـــــضــو مـــجـلـس الإداره
    عـــــضــو مـــجـلـس الإداره

    شـعــــــــار :

    لقب من إدارة المنتدى : كاتبة المنتدى
    انثى
    الـبـلــد : مصر الحبيبه
    عدد المساهمات : 128
    نـقـــاط : 3925
    تاريخ التسجيل : 17/07/2009
    الموقع : www.tegara4all.com
    العمــل : صحفية بجريدة الشروق
    المزاج : الحمد لله رب العالمين
    تعاليق : You Have to make The history...Or You will be a history

    عاجل رد: الطموح المدمر

    مُساهمة من طرف D.G.K في الخميس 12 نوفمبر 2009, 9:32 pm

    علي فكره انا مش قصدت من القصه ان طموح المرأه سواء في العمل او اي نشاط ليها ده شئ سلبي او لازم يتبعه عواقب سلبيه لبيتها واولادها

    بالعكس انا واحده من الناس بحب جدااا ان كل انسان يكون ليه طموح وهدف بيسعي ليه في حياته لكن بشرط ترتيب الاولويات

    واللي عجبني في القصه انها مثال واقعي جدااا لشخصيات كتير
    في نساء كتير جداا شايفين ان الحلم الاول ليهم هو الصعود والمكانه الاجتماعيه والبيت والزوج والاولاد في المرتبه التانيه
    وده اللي مخلي اغلب البيوت اللي المرأه فيها عامله بيكون فيها مشاكل اغلبها حواجز نفسيه

    انا شايفه ان بالنسبه للمرأه فربنا يوم القيامه هيسالها عن ايه الاول عن دورها خارج البيت ولا داخل بيتها
    اوكي ممكن يكون ليها مسئوليات خارج البيت وانشطه او عمل وعلي فكره اوقات الحاجات دي بتخليها ام ذات وعي اكثر مع اولادها وفي تربيتها ومع اهلها لكن بشرط ان لا تتعدي هذه الاشياء دورها المثالي جوا البيت

      الوقت/التاريخ الآن هو الأربعاء 25 أبريل 2018, 12:44 am