مــنـتـديـات رقـــــى الأخــــــــلاق

عزيزى الزائر الكريم ..
أنت غير مشترك فى منتدانا الحبيب .. يسعدنا و يشرفنا إنضمامك إلى أسرتنا الجميله ..

إذا أردت التسجيل معنا فى المنتدى أضغط على ( تسجيل ) ....

أمنحنا الفرصه لكى نسعدك ...
مــنـتـديـات رقـــــى الأخــــــــلاق

عــــــالم من العـــلـم

***  أهـــلا" بك يا  زائر ...  مرحبا" بعودتك إلى المنتدى  ***


    حتقضي راس السنة فين ؟؟

    شاطر
    avatar
    مصطفى سيف
    من قدامى الأعضاء
    من قدامى الأعضاء

    شـعــــــــار :

    لقب من إدارة المنتدى : مــلك التـصميمات
    ذكر
    هــوايـاتى : التصميمات و المونتاج
    الـبـلــد : مصر
    عدد المساهمات : 182
    نـقـــاط : 4958
    تاريخ التسجيل : 30/09/2009
    الموقع : وطن بلا شعب
    العمــل : رئيس قسم التصميمات و المونتاج شركة الصرف الصحى
    المزاج : السعى الجاد للوصول للذوق الحسن وأرضاء الله غايتى
    تعاليق : البحت عن المشاعرو الاحساس و التذوق فى إختيار المواضيع وانتقاء الكلمة الطيبةمن اهم اهداف منتدى الطاعة فى حب الله
    مواضيعى الجديده : لا جديد و الوطن مفقوديبجث عن منقذ لة

    عاجل حتقضي راس السنة فين ؟؟

    مُساهمة من طرف مصطفى سيف في الأربعاء 30 ديسمبر 2009, 11:35 pm

    حتقضي راس السنة فين ؟؟
    ده كان اول سؤال قاله محمود لصاحبه خالد اول متصل بيه
    محمود : حتقضي رأس السنة فين ؟؟ بسرعه علشان نظبط
    خالد :- رقص السنة ؟؟ وحيبقى فين الرقص ده ؟؟ وحترقص فين السنة ؟؟
    محمود :- يااااه يا خالد على طول محسسنى انك مش فاهم كده
    خالد :- لا فاهم يا حوده بس اصلى مش عارف انت فاجأتنى
    محمود :- طيب ايه جاى ولا الدور الجاى ؟؟
    خالد :- طيب مين رايح فين ؟؟
    محمود :- بص يا سيدي .. حسام رايح حفلة عمرو ، بيقولوا حتبقى جامده جدا وعاملينها فى التجمع معاك بقه لحد الفجر ..
    و سمير رايح حفلة تامر .. انت عارف سمير بيموت في تامر وسارة صاحبته رايحه معاه ..

    ووليد مقضيها بقه في كازينوانت عارف دماغه

    وانت وميزو خارجين بقى مع جوزيف و جون حنحتفل معاهم بالليلة .. وانت عارف طبعا كريستين وماريان وجانيت و مروة و نانسي .. وحتبقى خروجه وهميه

    هاه رايح مع مين ولا حتروح فين .. مفيش وقت فاضل يوم .. الحق نفسك لحسن البلد كلها حتبقى زحمه وكله بيحتفل .. لحسن متلاقيش مكان تحتفل فيه ..
    خالد :- يا نهار ابيض !! كل ده .. انا بقه رايح حته جامده اوى في الليلة ديه

    محمود :- اييييييه يا خالووود علمنا يا معلم .. هو ده الكلام .. خارج مع مين ؟؟

    خالد :- أنا إن شاء الله في ليلة رأس السنة مهاجر إلى الرسول عليه الصلاة والسلام
    محمود :- نعم !!! حتعمل ايه يا خويا
    خالد :- حهاجر للرسول عليه الصلاة والسلام ..

    محمود :- ياعم أنت بتكلم أبو لهب ؟؟ انت لسه عايش في زمن قبل الهجرة ؟!! انت فاكرنا في قريش .. ياعم وانا قلتلك خارج مع الأوس والخزرج
    خالد :- يا محمود مبهرجش بجد ..
    محمود :- ايوا يعنى حتعمل ايه يعنى ؟!؟ حتسيب الكفار وتهاجر ؟؟

    خالد :- بالظبـــــــــــــــــــــــــط

    محمود :- ايه يبنى اللى بالظبط .. انا مش فاهم حاجه .. انت لسعت ولا ايه ؟؟

    خالد : طيب ياعم قلي الأول .. انا عايزك تقول الحق يا محمود

    انهى الأحسن أخرج اتنطط مع عمرو ولا احلم مع تامر ولا اخرج مع مونيكا ولا اهاجر للرسول عليه الصلاة والسلام

    محمود :- طبعا تهاجر للرسول عليه الصلاة والسلام .. ديه عايزه كلام يعنى .. بس ازاى اصلا انت فقدت الزمن يبنى ؟!!؟ احنا في 1431 بعد الهجره

    اتأخرت بتاع 1431 تقريبا .. لسه فاكر دلوقتى ؟؟

    خالد :- اقعد اتريق كده وانت مش فاهم حاجه .. بس انت متفق معايا ان الهجرة للرسول افضل طبعا
    محمود :- طبعا .. طبعا طبعا .. طبعا خالص

    خالد :- اقولك انا ازاى بقه وفي الليلة ديه بالذات

    محمود : هاه قول

    خالد :- الرسول عليه الصلاة والسلام قال :- عبادة في الهرج كهجرة إلى

    محمود :- عليه الصلاة والسلام .. بس ايه الهرج ده .. هو الهرج يعنى رأس السنة ؟؟

    خالد :- لا الهرج معناه : وقت انشغال الناس باللهو

    محمود :- ممممم فهمت .. يعنى قصدك ان الواحد لو عمل عبادة في وقت الناس كلها عماله مشغوله فيه عن ربنا وبتعصى ربنا ده كأنه هاجر إلى الرسول .. صح كده ؟

    خالد :- بالظبط يا حوده .. هو كده يعنى الناس كلها في الشارع عماله اللى يغني واللى يعاكس واللى خارج مع صاحبته واللى فى حفله واللى في كازينو واللى هنا واللى هنا .. وانت تسيب ده
    كله وذكر الله في الوقت ده .. تصلى شوية .. تقعد تدعي .. تسمع قرآن .. تقرأ قرآن .. تسمع درس .. تشوف قناة دينية : الحكمة أو الناس أو الرحمة .. تسبح أو تذكر ربنا ..

    كده يعنى .. ده ثوابه كأنك هاجرت للرسول .. لأن معظم الناس في انشغال عن الله .. فانت بطاعتك في اليوم ده تبقى حاجه متفرده

    محمود :- ممم اتصدق مجاش فى دماغي الكلام ده قبل كده !! بس يعنى مثلا اسيب الخروج خالص واقعد بقه اعمل حاجه من دول .. اخد ثواب كأنى هاجرت للرسول ؟!!!؟

    يااااااه كبير اوى الثواب ده .. بس انت متأكد ان الحديث ده صحيح .. وقوله تانى كده

    خالد :- اه صحيح الحديث في صحيح مسلم يعنى صحيح

    والحديث بيقول : عبادة في الهرج كهجرة إلى

    فأنا بقه يا محمود حعمل كده ان شاء الله .. بليل بقه بدل مخرج مع الناس .. حقعد اقرأ قرآن أو اشوف درس احضره .. أو اصلي بليل قيام ليل او اقعد ادعي واذكر ربنا .. اتفرج على برنامج الشيخ محمود المصري على قناة الناس مهو بييجي كل يوم اثنين .. كده يعنى

    ما أنت عارف يا محمود الليلة ديه بيصعد إلى الله فيها كمية ذنووووب لا حصر لها
    خلينا احنا في الليلة ديه يصعد منا حسنات إلى الله ..

    محمود : اتصدق عندك حق يا خالد .. انا ان شاء الله بكره حعمل زيك خلينا بقه نعمل حاجه عدله .. بس حبقى اتصل بجوزيف وماركو بقه والشلة اقولهم كل سنة وانتوا طيبين .. ده عيد برضه .. وبالمناسبة كل سنة وانت طيب يا خالود
    خالد :- ممم .. اهوه انا بقه مش حعمل كده .. ومش حقول لحد كل سنة وانت طيب

    محمود :- ايه ياعم بقه .. قلت هتهاجر وقلت حاجي معاك وماشي .. لكن مقولش لاخواننا المسيحين وللمسلمين كل سنة وانتوا طيبين ليه ياعم .. عيب ولا حرام ؟؟
    خالد : بص يا سيدي .. اولا مينفعش نقول على النصارى انهم اخواننا
    ليه بقه : علشان المؤمنون هما اللى اخواننا

    والآية بتقول : إِنَّمَا الْمُؤْمِنُونَ إِخْوَةٌ

    وإنما ديه للحصر .. يعنى المؤمنون بس إخوه

    وطبعا النصارى مش مؤمنين .. دول كفروا بالله وبسيدنا محمد عليه الصلاة والسلام

    وبعدين طول مهما مش مسلمين يبقوا مش اخواننا

    مش ربنا قال عن المشركين: " فَإِنْ تَابُوا وَأَقَامُوا الصَّلَاةَ وَآتَوْا الزَّكَاةَ فَإِخْوَانُكُمْ فِي الدِّينِ "

    يعنى لو النصارى اللى هما المسيحيين زي مبتقال عليهم عندنا تابوا وآمنوا واقاموا الصلاة واتوا الزكاة يبقوا اخواننا .. لكن غير كده لا
    وبعدين نقولهم كل سنة وانتوا طيبين على ايه .. انت عارف ده بالنسبة ليهم ايه ؟؟

    محمود :- اه سنة جديدة عيد ميلاد المسيح

    خالد :- طيب خلينا نقول الأول .. مش الرسول محمد عليه الصلاة والسلام جاء بعد سيدنا المسيح عيسى عليه السلام ؟؟

    محمود :- اه طبعا

    خالد :- طيب هل النبي عليه الصلاة والسلام احتفل بعيد ميلاد سيدنا عيسى ؟؟

    محمود :- لا محصلش

    خالد :- طيب هل النبي عليه الصلاة والسلام احتفل بعيد ميلاده هو حتى ؟؟

    محمود :- لا محصلش !! ممم

    خالد :- طيب لما الرسول معملش كده واحنا المفروض نتبع الرسول ليه نحتفل بيه ؟.؟؟

    محمود :- ممم يمكن حاجه كده علشان سنة جديده

    خالد :- لا علشان اصلا اللى بيحتفل بيه النصارى فاحنا علشان بقينا معاهم وخلاص من غير منعرف بنتحفل ليه .. احتفلنا معاهم بعيدهم .. طيب اسألك سؤال ؟؟
    محمود :- اسال ..
    خالد :- انت بتحتفل بالسنة الصينية ؟؟ او بالسنة القبطية ؟؟

    محمود :- لا طبعا .. ايه ده صحيح اشمعنى يعنى السنة الميلادية اللى بنحتفل بيها ودول لا !!! غريبة

    خالد :- لا مش غريبة .. اصل الفكرة ان علشان النصارى في كل حته بيحتفلوا بيه علشان عيدهم .. احنا كمان احتفلنا معاهم .. لكن علشان الصينيين بعيد عننا ومفيش حد بيحتفل بالسنة القبطية خلاص

    محمود :- يعنى قصدك هو عيدهم بس احنا اتأثرنا بيهم فاحتفلنا معاهم

    خالد :- بالظبط .. المفروض بالنسبة للمسلم ده يوم عادي جدا .. يمكن كمان ده فرصة زي مقلتلك انك تطيع ربنا فى يوم الناس كلها بتعصي فيه .. وبعدين انت عمرك شفت مسيحي جايب خروف وبيدبحه يوم العيد ويحتفل معاك ؟؟

    محمود :- لا مشفتش

    خالد :- يعنى يبقى هو احسن منك ميحتفلش معاك وانت تحتفل معاه .. هو يحاول ميظهرش عيدك وانت تنشر عيده ؟!!؟

    محمود :- ممم ..

    خالد :- وبعدين انت عارف احنا عندنا عيدين " الفطر والأضحى " زي ما الرسول علمنا ويوم الجمعه كمان صلي عليه يا مح..

    محمود :- عليه الصلاة والسلام

    خالد :- وبعدين انت فاهم عيد الميلاد ده بيمثل ليهم ايه وبيحتفلوا بيه ليه ؟؟

    محمود :- ليه ؟؟

    خالد :- علشان ده بيمثل ليهم عيد ميلاد الله .. اليوم اللى اتولد فيه الإله

    محمود : اييه ؟!! الإله اتولد فيه ؟!!؟

    خالد :- اه بيحتفول بيوم ميلاد الله وانه بقه في الأرض

    محمود:- استغفر الله العظيم .. الله يتولد !!! ايه الكلام ده

    خالد :- شفت بقه ده احتفال بايه .. ولسه يوم 7 يناير اللى حيبقى اجازه .. ده بالنسبة لهم عيد .. وده عندهم عيد ميلاد الإله ..

    محمود : يا نهار ابيض !!! ايه ياعم الكلام ده .. انا مستحيل اشارك في الكلام ده .. أنا أشارك في حاجه تعتبر تكذيب لربنا اللى قال :" لم يلد ولم يولد " .. وتقول ان ربنا اتولد !!! وكمان اهنيهم عليه واقولهم كل سنة وانتوا طيبين؟؟!!!

    خالد :- شفت بقه انا ليه مش حقول لحد كل سنة وانت طيب .. علشان مينفعش نشارك غير المسلم عيده .. لان ده غلط على عقيدتنا .. ومش صح اننا نهنيهم على ده

    محمود : ماشي ياعم خلاص انا معاك ونفض بقه لماركو وجوزيف

    خلينا فى النظيف
    avatar
    الاميرة
    عـــــضــو مـــجـلـس الإداره
    عـــــضــو مـــجـلـس الإداره

    شـعــــــــار :

    لقب من إدارة المنتدى : مشرفه مميزه و صاحبة مواضيع مفيده
    انثى
    هــوايـاتى : الرسم و السباحة و الغناء
    الـبـلــد : عالمى الخاص
    عدد المساهمات : 1021
    نـقـــاط : 7387
    تاريخ التسجيل : 05/12/2009
    الموقع : with my heart
    العمــل : طالبة
    المزاج : رااااااااااايقة
    تعاليق : aheart is not a plaything, a heart is not a toy. But if u want it broken. just give it to a
    ""boy""


    مواضيعى الجديده : (roaa(shorouk

    عاجل رد: حتقضي راس السنة فين ؟؟

    مُساهمة من طرف الاميرة في الخميس 31 ديسمبر 2009, 11:35 am

    فـــــــــعـــــــلا استحالة وانا اعد نفسي انى ما احتفلش بالاحتفال الكادب ده انتم عارفين بجد والله انا بيتي كله نصارى يعني لازم اقولهم كل سنه وانتم طيبين طبعا بعد اللى انا سمعته او قريته ده والله العظيم ماهقولهم مساء الخير حتى موضوووووووع قمة قى الرووووعة جزاك الله كل خير Suspect


    ############################################
    in your life when you get troubles don`t get nervous just close your eyes and follow your heart because heart may be inleft but it always right



    [img][/img]
    avatar
    أم عبدالرحمن
    الـمـــديــر الــعـــــام
    الـمـــديــر الــعـــــام

    شـعــــــــار :

    لقب من إدارة المنتدى : أمـــ الـمــنـتـدى
    انثى
    الـبـلــد : مصر
    عدد المساهمات : 1713
    نـقـــاط : 10963
    تاريخ التسجيل : 21/10/2009
    العمــل : مدرسة
    المزاج : (وعجلت إليك ربى لترضى)
    تعاليق : (رب هب لى من لدنك عملا صالحا يقربنى إليك)

    عاجل رد: حتقضي راس السنة فين ؟؟

    مُساهمة من طرف أم عبدالرحمن في الجمعة 01 يناير 2010, 3:07 pm

    Twisted Evil Question Twisted Evil



    ############################################
    (رب إنى مغلوب فانتصر ، وأجبر قلبى المنكسر ، وأكفنى يا كافى فأنا العبد المفتقر )





      الوقت/التاريخ الآن هو الأربعاء 25 أبريل 2018, 12:53 am