مــنـتـديـات رقـــــى الأخــــــــلاق

عزيزى الزائر الكريم ..
أنت غير مشترك فى منتدانا الحبيب .. يسعدنا و يشرفنا إنضمامك إلى أسرتنا الجميله ..

إذا أردت التسجيل معنا فى المنتدى أضغط على ( تسجيل ) ....

أمنحنا الفرصه لكى نسعدك ...
مــنـتـديـات رقـــــى الأخــــــــلاق

عــــــالم من العـــلـم

***  أهـــلا" بك يا  زائر ...  مرحبا" بعودتك إلى المنتدى  ***


    انفلونزا الذنوب

    شاطر

    Nona
    من قدامى الأعضاء
    من قدامى الأعضاء

    انثى
    عدد المساهمات : 42
    نـقـــاط : 2787
    تاريخ التسجيل : 04/11/2009
    العمــل : طالبة بكلية التجارة

    عاجل انفلونزا الذنوب

    مُساهمة من طرف Nona في الجمعة 18 ديسمبر 2009, 6:30 pm

    السلام عليكم

    انا عارفه ان القسم ده للمشاكل
    بس ان اخترت انزل موضوعي هنا عشان هحكي عن مشكلة عامة كلنا فيها...وهفضفض عنها..وبجد الموضوع ده مهم جدااً يا ريت مش نهمله..ويا ريت نفكر فيه..رغم اني هطول عليكم شويه
    امبارح كنت بتفرج علي برنامج تليفزيوني وفي النص اتكلموا شويه عن بعض شركات الادوية اللي اكتشفوا انها بتستخدم مواد كيميائيه مضرة في تصنيع بعض الادوية

    بصراحة قلت وبعدين في اللي بيحصل حولينا ده
    أنتشار أمراض...أنحطاط اخلاقيات...قلة وعي ديني...حوادث ووافيات دائمة...فساد واهمال في كل مكان ومؤسسه ....نفوس اصابها الاحباط

    وبعدين!!!!!!!
    في وسط أنتشار أنواع عديدة من الانفلونزا هذه الفترة...وقانا الله وأياكم وحفظنا منها

    حد فكر احنا ايه اللي بيحصلنا ده
    أنفلونزا الطيور
    أنفلونزا الخنازير
    أنفلونزا الماعز
    وباء المياه...فساد بعض الادوية والعقاقير الطبية...غلاء مستمر

    حد فينا حاول يفكر ان ممكن يكون من ضمن الاسباب
    غضب المولي عز وجل علينا
    عايز يقولنا ..كفاية بقي..فوقوا من غفلتكم قبل أن يأتي يوماً تتمنون فيه الرجوع ...كفاية ذنوب ومعاصي وبعد عن الشريعة الاسلامية...كفاية لهو ولعب

    اصابتنا الذنوب....فهدمت القلوب...وساءت النفوس
    وسلطت علينا في النهاية اثار الذنوب والمعاصي دي في اي شكل من الاشكال السابق ذكرها

    سبحان الله علينا...خلقنا لنعمرها... فاسدنا فيها

    انا شايفه ان اكتر مرض منتشر حالياً هو انفلونزا الذنوب
    المرض ده أشد خطراً..واكثر فتكا..لانه لا يضر الجسد فقط..بل يضر الجسد والروح والعقل والقلب..ولانه لا يتعلق بالدنيا فقط بل يتعلق بالدنيا والاخرة ..لان مكان المرض القلب وبينتقل الي الجوارح
    ومصير صاحب المرض ده الهلاك وموت القلب


    في ابيات شعر جميله اوي في تدبر معانيها بتقول:
    رايت الذنوب تميت القلوب
    ويورث الذل ادمانها
    وترك الذنوب حياة القلوب
    وخير لنفسك عصيانها

    بجد أحنا بذنوبنا..بنفسد قلوبنا...فبنقتل ضميرنا
    قال رسول الله صلى الله عليه وسلم "ألا وانه في الجسد مضغه..اذا صلحت صلح الجسد كله..واذا فسدت فسد الجسد كله,,ألا وهي القلب"


    طب ايه ممكن تكون أسباب المرض
    دي بعضها وأتمني منكم تكملتها

    1-تغاضي معظمنا عن ان يكون الهدف الاسمي لكل شئ في حياتنا لأجل المولي عز وجل ومن أجل رضاه...احنا بنسعي للعمل لرفع شأننا وليس لرفع شأن الاسلام والمسلمين

    2- مجالسة او مصادقة اصحاب هذا المرض
    وبجد دي حاجه مهمه جداً اغلبنا بنتغاضي عنها ..وهي الصحبة لأنها فعلاً اكتر معين للانسان إما علي الخير او لطريق الهلاك والعصيان
    قال رسول الله صلى الله عليه وسلم
    { المرء على دين خليله }

    3- نقص في جهاز المناعه الروحيه للانسان "القلب"...وتسكيته المستمر لصوت ضميره الموقظ له
    4-البعد عن طاعة الله وذكره...من ذكر ودعاء وقيام الليل
    5-اتباع الهوى والنفس والشيطان.
    6- الانغماس في الدنيا وملذاتها وشهواتها..
    7- سماع الاغاني,والاعراض عن سماع وتلاوة القران
    8- ضياع الهدف واختلال الفكر وعدم وجود الطموح والسعي لنكون الافضل ولنكون كما قال عنا صلي الله عليه وسلم" خير امة أخرجت للناس"
    9- الانصراف عن التفكير في الأخرة ووقوفنا بين يدي المولي عز وجل وكل منا يحمل كتابه وينتظر الرد علي عمله

    احنا بجد لو سبنا نفسنا للتمادي في الذنوب الصغيره منها قبل الكبيره وللتهاون في أمر المعاصي...اللي اغلبنا بنعملها واحنا علي علم انها معصيه...لكن بجد في غفلة عن اثرها في نفوسنا
    ظلمه في الوجه..قسوه في القلب..ضيق في الصدر.. ضيق في الرزق..شتات الامر..هم لاينقط..
    انصراف عن التفكير في الاخره.. الوقوف على متاع الحياة الدنيا.

    ده المرض...واللي كان سبب في انتشار باقي الاوبئة...بجد مرض خطير جداًً...كان أثره سبب لوجود أمراض كتيره معاه

    انا بكتب الكلام ده كله لسبب
    لأن بجد انا بعرف احسن ناس ممكن اقابلهم في حياتي من خلال المنتدي ده...وواثقه في ان الحمد لله فينا خير..وممكن نكون خير معين لبعض...وممكن نشجع بعض ونشجع غيرنا علي اننا ننطلق بحس وفكر ورؤية جديدة نحاول نعالج بيها التدهورات اللي بتحصل حولينا في البعد عن الدين والاخلاقيات والقيم والمبادئ الاسلامية

    احنا ممكن نعيد بناء انفسنا ونصلح فيها بكذا طريقة
    1- التوبه والاقلاع عن كل ذنب .
    2-اخذ جرعات منتظمه في مواعيد محدده خمس مرات يوميا بإتقان وخشوع وتدبر ..الصلوات الخمس
    3-جرعات منشطه من كتاب الله يوميا..حط واحد يحط لنفسه ورد يومي من القرآن الكريم...بعدنا عن القرآن سبب خلل كبير اوي جوانا
    4-الصيام في حدود السنه...وتشجيع بعض علي الصيام والدعاء
    5-الاتعاظ بموت السابقين والنظره للاخرة
    6- المداومة علي الاذكار...اذكار الصباح والمساء
    ...قراءة آية الكرسي والمعوذتين يوميا..ذكر الله في كل وقت وحين
    7- الاستغفار ...الاستغفار...الاستغفار

    لو كل واحد مننا حاول يبدء بالتفكير وعلاج نفسه وانتشالها من التمادي في الذنوب والمعاصي...ونبدء بقي ننقد في نظرتنا لوضع الدنيا حولينا من اهمال وفساد واعلام سئ للغاية
    لو كل واحد قال هيبدء بنفسه..ونشجع بعض هنا..ونشجع اصحابنا عشان يساندونا...واخواتنا..واهالينا...احنا كده بنبدء نعالج الوباء...كل واحد لو بدء وشجع واحد بس من المقربين ليه لمساندته وتشجيع بعضهم البعض..بجد هنوصل لمرحله نرضي عنها...وعشان مش تيجي يوم القيامة تقول يا رب ملقتش المعين

    و منتظرة منكم افكر اكتر...وتشجيع اكبر...ويا رب مش تخذلوني
    يا ريت نكون اخوة فعلاً لبعض في الاسلام لأجل الصلاح
    يا ريت لو كل واحد مننا يحط قصاد عينه في كل وقت وفي كل عمل وكل موقف...انا مسلم...مسلم بأخلاقي..وسلوكي..وطاعتي لربي..وعلمي..وعملي الوظيفي...وطاعتي لأهلي...واخلاصي لاصدقائي..ومساندتي لغيري

    دائماً
    "أنا مسلم"
    وقانا الله واياكم حفظ اجسادنا وارواحنا من الامراض والانحلال

    وأخيراً
    " اللهم أجعل أعمالنا كلها صالحة..ولوجهك الكريم خالصة..ولا تجعل للناس منها شئ..ولا للشيطان فيها نصيب..,تقبلها منا بقبول حسن يا رب العالمين"

    أختكم/ نسمة

    أبو سـيف
    رئـيـس مجـلـس الإداره و مؤسـس المنتدى
    رئـيـس مجـلـس الإداره و مؤسـس المنتدى

    شـعــــــــار :

    لقب من إدارة المنتدى : راعى المنتدى
    ذكر
    هــوايـاتى : القــــرأه و النت
    الـبـلــد : أم الدنيا مصر
    عدد المساهمات : 1290
    نـقـــاط : 11590
    تاريخ التسجيل : 15/07/2009
    الموقع : www.rokialakhlak.ba7r.org
    العمــل : مدرس لغه إنجليزيه
    المزاج : الحمد لله
    تعاليق : لا تبحث عن الصديق .. كن أنت الصديق

    عاجل رد: انفلونزا الذنوب

    مُساهمة من طرف أبو سـيف في الثلاثاء 29 ديسمبر 2009, 10:18 pm

    ما شاء الله .. طرحك رائع

    أسلوبك سهل و منظم جدا

    أنتى شخصتى كل جوانب المرض بصوره رائعه

    و وضعتى الروشته العلاجيه بصوره أروع

    و كل واحد يبدأ بنفسه و محدش يقول غيرى بيعمل

    ( كل نفس بما كسبت رهينه )

    يا رب كتيييير يقرؤا الموضوع ده لأنه مهم جدا"

    جزاكى الله خيرا"


    ############################################

    رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ
    رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنصَارٍ
    رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا
    رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ
    رَبَّنَا وَآتِنَا مَا وَعَدتَّنَا عَلَى رُسُلِكَ وَلاَ تُخْزِنَا يَوْمَ الْقِيَامَةِ إِنَّكَ لاَ تُخْلِفُ الْمِيعَاد





    الاميرة
    عـــــضــو مـــجـلـس الإداره
    عـــــضــو مـــجـلـس الإداره

    شـعــــــــار :

    لقب من إدارة المنتدى : مشرفه مميزه و صاحبة مواضيع مفيده
    انثى
    هــوايـاتى : الرسم و السباحة و الغناء
    الـبـلــد : عالمى الخاص
    عدد المساهمات : 1021
    نـقـــاط : 6883
    تاريخ التسجيل : 05/12/2009
    الموقع : with my heart
    العمــل : طالبة
    المزاج : رااااااااااايقة
    تعاليق : aheart is not a plaything, a heart is not a toy. But if u want it broken. just give it to a
    ""boy""


    مواضيعى الجديده : (roaa(shorouk

    عاجل رد: انفلونزا الذنوب

    مُساهمة من طرف الاميرة في الخميس 31 ديسمبر 2009, 11:44 am

    موضوع جميل جدااااااا انا ممكن اكون مثلا بكتب الرد علشان ازود مساهاماتى لكن موضوع زى ده والله انا برد علشان ازود من قيمته فعلا انا والله فكرت كتيييير واكتشفت من ساعة سماع عن مرض انفلوانزا الخنازير ان ده غضب من ربنا سبحانه وتعالى بس مافيش حد حاسس وكله بيعصيه اكتر للأسف اشكرك على وجهة نظرك الصريحة والجميلة


    ############################################
    in your life when you get troubles don`t get nervous just close your eyes and follow your heart because heart may be inleft but it always right



    [img][/img]

      الوقت/التاريخ الآن هو الأربعاء 07 ديسمبر 2016, 10:14 pm